வெடிபொருட்களுடன் மண்டைதீவு கடலில் மிதந்து வந்த மரப் பெட்டி - Yarl Voice வெடிபொருட்களுடன் மண்டைதீவு கடலில் மிதந்து வந்த மரப் பெட்டி - Yarl Voice

வெடிபொருட்களுடன் மண்டைதீவு கடலில் மிதந்து வந்த மரப் பெட்டி

யாழ்.மண்டைதீவு கடலில் மிதந்துவந்த மர பெட்டி ஒன்று பொலிஸாரால் மீட்கப்பட்டு சோதிக் கப்பட்டபோது அதனுள் ஒரு தொகை வெடி பொருட்கள் இருந்தமை கண்டுபிடிக்கப்பட்டுள்ளது. 

நேற்று மாலை 5மணியளவில் மண்டைதீவு கடலில் சந்தேகத்திற்கிடமான மர பெட்டி ஒன்று கடலில் மிதந்தமையினை மீனவர்கள் சிலர் கண்டுள்ளனர். இதனையடுத்து மீனவர்கள் கடற்ப டையினருக்கு வழங்கிய தகவலினடிப்படையில் குறித்த பெட்டி கடற்படையினரால் மீட்கப்பட்டு ஊர்காவற்றுறை பொலிஸாரிடம் ஒப்படைக்கப்பட்டது. 

மீட்கப்பட்ட அந்த மரப் பெட்டிக்குள் வெடிபொருட்கள் இருக்கலாம் என பொலிஸார் சந்தேகித்து பெட்டியை சோதித்தபோது அதனுள் ஒருதொகை வெடிபொருட்கள் இருந்தன.

60 மில்லி மீற்றர் குண்டு ஒன்று, 60 மில்லி மீற்றர் றியப் 3, 60 மில்லி மீற்றர் குண்டுக்கான சார்ச்சர் 1, ஆர்.பி.ஜீ சார்ச்சர் 2, 9 மில்லி மீற்றர் மகசீன் கவர் 2, எம்.பி.என்.ஜீ.கே. பிள்க் கேஸ் 1, கண்ணிவெடி 4, ஆகியன பெட்டியில் காணப்பட்டதாக பொலிஸார் கூறினர். 

0/Post a Comment/Comments

Previous Post Next Post