இவ்வாறு தெரிவித்துள்ள தமிழ்த் தேசியக் கூட்டமைப்பின் பாரர்ளுமன்ற உறுப்பினரும் புளொட் அமைப்பின் தலைவருமான தர்மலிங்கம் சித்தார்த்தன் விக்கினேஸ்வரனின் புதிய அணியை பலமான சிறந்த அணியாக பார்க்கவில்லை என்றும் குறிப்பிட்டார்.
விக்கினேஸ்வரனின் புதிய கூட்டணியில் இணைந்து கொள்ளுமாறு உங்களுக்கு அழைப்பு விடுக்கப்பட்டிருக்கின்றதா? எனக் கேட்ட போதே மேற்கண்டவாறு தெரிவித்தார். இவ்விடயம் குறித்து அவர் மேலும் தெரிவித்ததாவது..
விக்கினேஸ்வரன் ஐயாவின் புதிய அணியில் இணைந்து கொள்ளுமாறு நேரடியாக அழைப்புக்கள் எவையும் வரவில்லை. அது குறித்து அவர்கள் கேட்கவும் இல்லை. அதே நேரத்தில் அவர்களுடன் இணைந்து கொள்வது தொடர்பில் நாங்களும் கதைக்கவும் இல்லை.
ஆனால் விக்கினேஸ்வரன் ஐயாவே தம்பி சித்தார்த்தன் தன்னுடன் வர மாட்டார் என்று சொல்லியிருந்ததாக நான் ஊடகங்களில் பார்த்திருந்தேன். ஏனெனில் தேர்தலில் கூட்டமைப்பில் இருந்தால் தான் வெற்றி பெறலாமென்று அவர் அங்கிருக்கின்றார்.
ஆகவே வர மாட்டார் என்று சொல்லியிருந்தார். ஆகையினால் இங்கிருந்தால் வெற்றி பெறலாமென்பது அவருக்கும் தெரிந்து இருக்கிறது போல இருக்கிறது. அதைவிட முக்கியமான அம்சம் என்னவெனில் என்னைப் பொறுத்தமட்டில் அந்த அணி சிறந்த மாற்று அணியாக அமையுமா என்பது கேள்விக்குறியாக இருக்கின்றது.
இதே வேளை அந்த அணியிலுள்ள சுரேஸ்பிரேமச்சந்திரன் பகிரங்கமாகவே புளொட் மற்றும் ரெலோ வந்து சேர வேண்டுமென அழைப்பு விடுத்திருக்கின்றார். ஆனாலும் நாங்கள் போக முடியாது. எங்களைப் பொறுத்த மட்டில் கூட்டமைப்பு பலமாக இருக்க வேண்டும். இந்தக் கூட்டமைப்பைப் பலப்படுத்திக் கொண்டு கூட்டமைப்புடனனேயே செயற்படுவோமென்ற நம்பிக்கை இருக்கிறது.
மேலும் என்னைப் பொறுத்தமட்டில் விக்கினேஸ்வரன், சுரேஸ்பிரேமச் சந்திரன், கNநை;திரகுமார் பொன்னம்பலம் என அது யாராக இருந்தாலும் அவர்களையும் கூட்டமைப்பில் இணைத்துக் கொண்டு ஒற்றுமையாக ஓரணியில் பயணிப்பதே சிறந்தது, இப்படியாக நாங்கள் அனைவரும் ஒற்றுமையாக இருப்பது இனத்திற்கு பலமான விசயமாகவே நான் பார்க்கிறேன்.
ஆயினும் என்னைப் பொறுத்தமட்டில் இது எனது நிலைப்பாடாக இருக்கிறது. ஆனாலும் கூட்டமைப்பு என்ற வகையில் ஏனைய தரப்புக்களுடன் கலந்து பேசி இது குறித்து சாதகமான ஒரு முடிவை எடுக்க முடியுமென்று கருதுகின்றேன் என்றார்.
Post a Comment